شات البابا كيرلس وام النور

شــات ومــنـــتــدى الــبــابــا كـــيــرلـــس وام الـــنـــور
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 البنات مش عارفة عاوزة اية...!

اذهب الى الأسفل 
كاتب الموضوعرسالة
????
زائر



مُساهمةموضوع: البنات مش عارفة عاوزة اية...!   الإثنين نوفمبر 07, 2011 1:03 pm

البنات

هم البنات كده ..

هم البنات كده ..
..
..
..
..
..
..
..

اتصلت بيها كل شويه ... تبقي خنقه ولزقه
اتصلت بيها كل فين وفين ... تبقي مش بتحبها

بتغير عليها ومش عايز أي حد يقرب منها .. تبقي متسلط وديكتاتور
سبتها عادي تتعامل مع الناس ومتكلمتش .. تبقي مش راجل

عرفت بنات كتير قبلها .. تبقي قليل الادب وبتاع بنات
معرفتش بنات .. تبقي قفل ومبتفهمش في الجنس الناعم

حاولت تمسك ايديها .. تبقي مش محترم ..
محاولتش .. يبقي في حاجه غلط ..

قلتلها ايه الجمال ده والفستان ده تحفه عليكي .. يبقي ملكش في عشق الروح لك في عشق الجسد الفاني
مقلتلهاش .. تبقي مش بتفهم في الذوق .. ويبقي معندكش نظر

اتعاملت مع مامتك كويس وحاولت ترضيها .. تبقي بتاع ماما وماشي ورا مامتك ويتخاف منك

كبرت دماغك من مامتك .. تبقي ولد عاق وملكش خير في أهلك هيبقي ليك خير فيها ؟؟!!

قلتلها نفسي نجيب عيال كتيييييير يبقي مش خايف علي صحتها ولا فارق معاك تعبها
قلتلها كفايه ولد او اتنين .. تبقي مش عايز تربط نفسك بيها عشان مش بتحبها


قلتلها بحبك كل شويه .. تبقي عامل مصيبه وعايز تخبي
مقلتلهاش .. تبقي مبقتش بتحبها ولا بقت فارقه معاك

زعقت وقلت لازم كلمتك تمشي .. تبقي متسلط ومعندكش تفاهم
قلتلها خلاص اللي يريحك يا حبيبتي .. يبقي معندكش شخصيه يا اما بتاخدها علي قد عقلها

قلتلها قومي ذاكري يا حبيبتي .. تبقي زهقت منها وعايز تخلص
متكلمتش .. يبقي مش فارق معاك مستقبلها ومش عايزها تنجح

قلتلها البسي لبس محتشم ومحترم .. تبقي خنيق ومتعب
مقلتلهاش .. تبقي مش بتغير عليها ولا فارق معاك الناس تشوفها كده

شربت سجاير قدامها .. تبقي فاقد
شربت شاي بحليب .. تبقي بسكوته

مش فاكره بقي الباقي بس في حاجات تانيه كتير
بس اللى اعرفه انى مش هيتعرفلى طريق من تانى بعد الكلام ده
بس مش ده الحق
Rolling Eyes Rolling Eyes Rolling Eyes




الرجوع الى أعلى الصفحة اذهب الى الأسفل
 
البنات مش عارفة عاوزة اية...!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات البابا كيرلس وام النور  :: +++ قسم ضحكنى شكرآ +++-
انتقل الى: