شات البابا كيرلس وام النور

شــات ومــنـــتــدى الــبــابــا كـــيــرلـــس وام الـــنـــور
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 وانا قاعد مع نفسي فجاه

اذهب الى الأسفل 
كاتب الموضوعرسالة
بيبو ابن البابا

avatar

عدد المساهمات : 37
تاريخ التسجيل : 29/10/2011

مُساهمةموضوع: وانا قاعد مع نفسي فجاه   الخميس نوفمبر 17, 2011 5:54 pm

وانا قاعد مع نفسي فجاه..........................​......رن موبايلي لقيت رسالة

فتحت الرسالة شفت كلامها........................​.........واستغربت من أرقامها



عند الراسل مفيش أرقام

نص الرسالة أوعي تنام

نزلت بالموس لتحت

لا فهمت ولا ارتحت

باقي الرسالة كلام غريب

بتقولي استني حدث عجيب

بعد نص الليل بساعتين

بالتحديد الساعة اتنين

كلمت اصحابي حد بيشتغلني

قالوا هتمثل جوابهم حيرني

فضلت قاعد قلقان بفكر

الرساله دي حقيقي ولا حد بيهزر

واية اللي هيحصل الساعة 2

هموت ولا هاروح علي فين

و فجأة دقت عقارب الساعة

واتحقق كلام الرسالة

ظهر في الأوضة شخص غريب

باين علية عجوز كئيب

طلعني لبرة في البلكونة

جيت اصرخ واقول الحقونا

لقيت صوتي راح

العجوز قاللي اطمن هترتاح

قالي امسك في ايديا و يلا

اخدك نمشي و نطلع برة

نروح علي حته منك قريبة

لكن عن اهلك هيا غريبة

خدني ورحنا علي بحيرة

مليانة نار واسعة وكبيرة

بصلي و قالي هو ده مصيرك

قلة صلاتك واهمالك في انجيلك

انشغالك بالفيس والنت والشات

وتعجب بده وتعلق علي ده وتتعرف ع البنات

نسيانك لروحك و كنيستك وابديتك

خلي البحيرة دي تبقى جنتك

وانا ساكت مش قادر اتكلم

عينيا بتبكي و قلبي بيتألم

بصيت بعينيا وكأني بقوله مفيش فرصة

مش عايز اترمي فيها ولا هيا دي النكسة

فضلت ابكي مش عارف امسك نفسي

صعبت عليه قالي هسألك سؤال جاوب وامشي

بلهفة اديته انتباهي مستني السؤال

وهو فكر شوية وبصلي وقال

قاللي انت عارف انك مفدي بالدم فوق الصليب

قولي كام مسمار دقوه في جسم يسوع الحبيب

فرحت لان الاجابة سهلة وعارفها

بس صوتي ضايع مش عارف اقولها

شاورت بصوابعي تلاتة عددهم 3 مسامير

2 دقوهم 2 في الايدين وفي الرجلين مسمار كبير

قاللي ده كان زمان دقوهم اليهود والرومان

لكن انت بأعمالك و خطاياك دقيت كام واحد كمان

حزنت واتكسفت من نفسي و ضياعي

ازاي هاعيش هنا والملكوت بتاعي

طلبت فرصة ولو ساعات بس بلغة الاشارة

فهمني و ضحك وقاللي دي زيارة

هترجع تاني لاوضتك وبيتك

بس افتكر صليب حبيبك

رجعني في ثانية وراح اختفى

والنور اللي منور ضعف وانطفى

فهمت الدرس وعرفت قيمة الوقت...................قلت مفيش تأجيل التوبه من دلوقت



Very Happy


javascript:emoticonp('Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وانا قاعد مع نفسي فجاه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات البابا كيرلس وام النور  :: +++قسم الشعر +++-
انتقل الى: