شات البابا كيرلس وام النور

شــات ومــنـــتــدى الــبــابــا كـــيــرلـــس وام الـــنـــور
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أياك والاستعجال!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: أياك والاستعجال!    الأربعاء نوفمبر 02, 2011 5:37 pm


ساعات كتير أوي نصلي ومنلاقيش استجابه من ربنا ونعيط ومنلاقيهوش بيمسح دموعنا

وساعات تانية أكتر تلاقي أنت صليت وطلبت من ربنا حاجة تلاقي فى نفس اليوم بيحصلك عكسها..


عايزه أقولك أياك تستعجل ايوه.. أياك بجد

أنا صليت أن ربنا يحفظلي شخص ونفس اليوم الشخص ده مبقتش عارفه أوصله قولت يا رب ده أنا صليلتلك تحافظلي عليه مش تاخده مني..

وأنا بكده أبقى أتسرعت لان الانتظار والصبر يؤكدوا الايمان..

وربنا من محبته ليا ورحمته كان بيعملني درس.. معين فى كده.. تاني يوم علطول عرفت أن الشخص ده بخير وفى نفس الوقت قعدت أصلي لربنا طول الليل وأنا مضايقة.. بس أتعلمت أن ربنا بيحسن علاقتي بالشخص ده لما عرف أني قلقانه طول الليل عرف معزته عندي بجد.. ومدى غلوته.. وأنا عرفت أن ربنا بيقوللي اصبري أن بحسن العلاقه بس أنتي اللي مش فاهمه مش صابره عليا خالص أحسنلك حياتك..


واليوم اللي بعدها علطول.. جالي خبر هو محزن بس فى نفس الوقت معزي لي ويؤكدلي أن ربنا مش بيسيب حقي ولا حق أي مسيحي أبدا.. لما جاه واحد من فترة غلط فى كل المسيحين قدامي وقعد يقوللي كفار وتعبني جدا وأنا قعدت أعيط صليت لربنا وقولتله أنت عارف أني بسكت بس مش بسكت عشان مش أنا مش عارفه أرد لا .. بس أولادك ميغلطوش فى الناس واسمك لازم يكون اناره الاحترام امام البشرية كلها.. واشتكيتلك من الشخص ده وقولتلك اعمل فيه اللي تشوفه يا رب.. جالي الشخص ده وقاللي أنتي دعيتي عليا وقولتلي لربنا يعمل فيا كذا وكذا أديني عملت حادثه كبيرة وكنت قاعد طول الايام اللي فاتت فى المستشفى.. قولتله ما ربنا مش موجود بقى مش أحنا مسيحين كفار هيستجبلي ليه طيب.. وقولتله أنت ظلمت المسيحين كلهم وأنا أكتر واحدة النهارده جاي تستعطفني أنا وأنا من الكفار دول يا ليت الايام تشهد على موقف زاي ده... ربنا كبير بجد وبيستجيب للاولاده وبيعزيهم فى جميع المواقف المؤلمة اللي بيمروا بيها.. كان عدى وقت طويل أوي ونسيت الموضوع بس ربنا عمره ما بينسنا وينسى جروحنا اللي ناتجة عن تمجيدنا ومحبتنا ليه وهو اللي حبنا الاول وبذل نفسه عشانا..

وبعديها بيوم لما كنت فى المقر الباباوي.. قولت لما هروح البيت هتحصلي مشكلة وملهاش حل لازم هيكون فيه مشكلة.. واحدة خادمة عطيتني ايقونه العجائب (العزباوية) وهي متعرفش أني قلقانه بقالي ساعة.. قالتلي خدي ديه وصدقيني مش هتلاقي أي مشاكل بتحصلك النهارده.. بصيتلها وسكت وبأمانه مكنتش مصدقها.. وقولت أزاي يعني لا يمكن.. وبالفعل الشخص اللي كانت هتعملي مشاكل خرجت فجأة وأتأخرت هي بره وكلمتني بكل سماحة ومحصلتش أي مشكلة فعلا القديسين بيشفعولنا عند ربنا كتير وبطريقة غير مرئية...


حاجة رائعه حصلتلي امبارح.. كمان.. كنت باليل ولوحدي فى البيت ومحتاجة أني أعمل مكالمة ضرورية جدا.. ومن غيرها كانت هتحصلي مشاكل.. والتليفون بتاعي فصل خالص ومش عايز يشتغل وحزنت بجد أوي واحاول اقفله وافتحه مش بيشتغل ولا أي حاجة نهائي.. اضايقت وقولت لربنا يا رب أنت عارف احتياجي له دلوقتي بشفاعه القديسة مريم شغلي التليفون ده دلوقتي وغمضت عنيا ورشمت الصليب على تليفون.. صدقوووووووووني شلت البطارية زاي ما كنت بعمل بقالي نص ساعة ومش بيشتغل وحطيتها ودوست على زر تشغيل التليفون اشتغل فى ثااااانية... قعدت اشكره كتير.. أنا الغير مستحقة بيعمل معايا كل ده اومال قديسينا ربنا بيوريهم عجائبه أزاي...


شئ رائع أنك تحس بربنا ووجوده جنبك بالافعال أكثر من الاقوال.. يخليك تنسى أي تعب مريت وهتمر بيه وهتستحمل كل حاجة عشان عارف أنه عاجلا أو اجلا هيرد عليك بس فى الوقت المناسب.. المهم ايمانك يكبر كل يوم وميقلش لانه أكيد بيعلمك حاجة جديدة كل يوم وشايلك الافضل.

صوا من اجل ضعفى king
الرجوع الى أعلى الصفحة اذهب الى الأسفل
 
أياك والاستعجال!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات البابا كيرلس وام النور  :: +++قسم الموضوعات الروحية +++-
انتقل الى: