نفســي ياأمي اكون رسام

نفســي ياأمي اكون رسام وارسم صورتك في كل مكان

جايين بالورد مع الياسمين طالبـــــين نشـــــوفك بالعيان

غمـــرتي قــلوبنا بحنانك ياأجــمل وردة في البســــتان

بتصـــــلي عشانا في كل الظروف ولما نجيلك نحس بأمان

أختارك الله من وسط العذارى لأنك في قلبك حفظتي الأيمان

نقية وعفيفة مثال للطهارة جالك جبرائيل ببشارة السـلام

دايما حاسين بوجودك معانا بظــــهورك لينا في كل مكان

ياكنز الرحمة ياام يســــوع كـــــلك طــيبة ونبــــع حنان

كنتي أمينة في خدمة الهك في أمانتك ياأمي مفيش انسان

حمامة وديعة ورمز السلام والقلب بسلامك كتـــير فرحان

مثال للأمومة وفخر النساء قــــــــدوة لبناتك ياأم الديان

أشــــفعي فينا ياأم النــــــور واملي قلوبنا فرح وأمان

سنة حلوة ياأمي سنة حلوة مع يسوع

سنة حلوة ياعدرا سنة حلوة مع يسوع